ՀՀ դեսպան Արսեն Սհոյանը հանդիպեց Բուլղարիայի Էկոնոմիկայի և էներգետիկայի նախարարի հետ

24 սեպտեմբերի, 2013

Սեպտեմբերի 23-ին Սոֆիայում ՀՀ դեսպան Արսեն Սհոյանը հանդիպում ունեցավ Բուլղարիայի էկոնոմիկայի և էներգետիկայի նախարար Դրագոմիր Ստոյնևի հետ: Քննարկվեցին համապատասխան ոլորտներում երկկողմ համագործակցության արդյունավետության բարձրացմանն առնչվող հարցեր:
Նախարար Ստոյնևը ընդգծեց առևտրատնտեսական ոլորտում համագործակցության ակտիվացման անհրաժեշտությունը, ինչի շնորհիվ հնարավոր կլինի բարձրացնել ապրանքաշրջանառության ծավալները: Իբրև նախընտրելի ոլորտներ` նախարարը առաջարկեց համագործակցել ռազմաարդյունաբերական, դեղագործության, գյուղատնտեսական մթերքների, սննդաարդյունաբերության սարքավորումների արտադրության բնագավառներում:

Դեսպան Սհոյանը կարևորեց Սոֆիայում միջկառավարական հանձնաժողովի 7-րդ նիստի աշխատանքների անցկացումը, կլոր սեղանների և համաժողովների կազմակերպումը` գործարարների և ձեռներեցների լայն շրջանակի մասնակցությամբ:

Կողմերը կարևորեցին զբոսաշրջության ոլորտում փոխշահավետ համագործակցությունը` հաշվի առնելով երկու երկրների հարուստ պատմամշակութային ժառանգությունը, քննարկվեց նաև Երևան-Սոֆիա ավիաչվերթի շահագործմամբ` պարբերական ավիահաղորդակցության վերականգնման հնարավորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր