Հայաստան-Բուլղարիա բարեկամության ընկերության հիմնադիր նիստ

30 սեպտեմբերի, 2013

Սեպտեմբերի 26-ին Սոֆիայի <<Ռուսական մշակութային տեղեկատվական կենտրոնում>> տեղի ունեցավ Հայաստան-Բուլղարիա բարեկամության ընկերակցության հիմնադիր նիստը, որին ողջույնի խոսքով հանդես եկավ ԲՀ-ում ՀՀ արտակարգ և լիազոր դեսպան Արսեն Սհոյանը:
Կարևորելով հայկական լոբիստական կազմակերպությունների նպաստավոր գործունեությունը ամբողջ աշխարհում` դեսպանը իր ելույթում մասնավորապես նշեց ընկերակցության ստեղծման նշանակությունը Բուլղարիյում, հաշվի առնելով 1915թ. Հայոց Ցեղասպանության 100-ամյակի տարելիցի միջոցառումների շրջանակում կառուցի արդիականությունը:

Կանոնադրության համաձայն ընկերակցության անդամները ընտրեցին նախագահ `Վասիլ Բոյաջիևին և տեղեկալներ` ԲՀ գիտությունների ակադեմիայի տիեզերական հետազոտությունների ինստիտուտի գիտնական պրոֆ.Կարո Մարտիրոսյանին, ԲՀ կրթության նախկին փոխնախարար և ներկաիս նախարարի խորհրդական Կիրչո Ատանասովին:
Ընկերակցությանը անդամակցում են Հայաստանում Բուլղարիայի նախկին դեսպանները, պետական մարմինների և հասարակական կազմակերպությունների ներկայացուցիչներ, հայ և բուլղար մտավորականներ և արվեստի գործիչներ: Միջոցառմանը հրավիրված էր ԲՀ խորհրդարանի պատգամավոր, ԲՍՊ կուսակցության անդամ Ատանաս Զաֆիրովը, որը իր ելույթում խոսոլեվ նորաստեղծ կառույցի դերի մասին կարևորեց տնտեսական երկկողմ հարաբերությունների խորացման անհրաժեշտությունը, և իբրև խթանող քայլ իր պատրաստակամությունը հայտնեց պատկան մարմինների հետ քննարկել Հայաստանում առևտրի կցորդ նշանակելու հնարավորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր