Բուլղարիայի ժողովրդական Ժողովի նախագահը ընդունեց Բուլղարիայում ՀՀ դեսպանին

16 փետրվարի, 2015

Փետրվարի 16-ին Բուլղարիայի ժողովրդական Ժողովի նախագահ տիկին Ցեցկա Ցաչևան ընդունեց Բուլղարիայում ՀՀ դեսպան Արսեն Սհոյանին:

Զրուցակիցները մտքեր փոխանակեցին հայ-բուլղարական հարաբերությունների ներկա վիճակի, դրանց ամրապնդման, միջխորհրդարանական հարաբերությունների զարգացման վերաբերյալ:

Կարևորվեց Բուլղարիայի Ժողովրդական Ժողովում Հայաստանի հետ բարեկամության խմբի աշխատանքների և միջխորհրդարանական շփումների, բարձր մակարդակի փոխայցելությունների իրականացումը:

Տիկին Ցաչևան նշեց, որ Բուլղարիայում բնակվող ազգային փոքրամասնություններից հայ համայնքը ակտիվ մասնակցություն ունի Բուլղարիայի քաղաքական, սոցիալ-տնտեսական և մշակութային կյանքում:

Դեսպան Սհոյանն ընդգծեց, որ բուլղարահայ համայնքի և աշխարհասփյուռ հայության համար 2015 թվականը անկացվելու է Հայոց ցեղասպանության 100-րդ տարելիցի հիշատակման և անմեղ զոհերի ոգեկոչման արարողությունների և միջոցառումների ներքո:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր