Բուլղարիա-Հայաստան պատգամավորական բարեկամական խմբի հետ պաշտոնական հանդիպում ԲՀ խորհրդարանում

11 հոկտեմբերի, 2017

Ս.թ. հոկտեմբերի 11-ին ԲՀ խորհրդարանի շենքում տեղի ունեցավ Բուլղարիայում ՀՀ դեսպան Ա. Սարգսյանի հանդիպումը Բուլղարիա-Հայաստան պատգամավորական բարեկամական խմբի նորընտիր կազմի հետ:
Հանդիպման նպատակն էր շարունակել քննարկումները միջխորհրդարանական կապերի ամրապնդման, երկու բարեկամանական խմերի միջև համագործակցության խթանման, երկկողմ քաղաքական և սոցիալ-տնտեսական հարաբերություններում խորհրդարանների և պատգամավորական խմբերի, որպես ժողովրդական դիվանագիտության օղակների կառուցողական դերակատարության, ինչպես նաև Բուլղարիա-Հայաստան ավանդական բարեկամական հարաբերություններում բուլղարահայ համայնքի առավել ակտիվ մասնակցության հետ կապված հարցերի շուրջ:
Հանդիպման ժամանակ կողմերն անդրադարձան երկու երկրների միջև առևտրատնտեսական հարաբերություններին: Ափսոսանքով նշելով ապրանքաշրջանառության ծավալների ցածր մակարդակը` կողմերը պատրաստակամություն հայտնեցին ջանքեր գործադրել առևտրատնտեսական համագործակցության խթանման ուղղությամբ` օգտագործելով ոլորտում երկու երկրների առկա հզոր ներուժը:
Այս գործընթացում կողմերը կարևորեցին բուլղարահայ համայնքի կառուցողական մասնակցությունն ու ազգային փոքրամասնությունների (մասնավորապես, հայ համայնքի) նկատմամբ ԲՀ կառավարության կողմից ցուցաբերվող բազմակողմանի աջակցությունը: Կարևորվեց նաև ԲՀ-ՀՀ խմբի անդամների և հայ համայնքի միջև ավանդական բարեկամական կապերի հետագա զարգացումն ու այդ գործում ՀՀ դեսպանության ակտիվ ներգրավվածությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր