Վիկտոր Համբարձումյանի ծննդյան 110-ամյակին նվիրված հուշերեկո

29 մարտի, 2019

Բուլղարիայի “Երևան” կազմակերպության և Սոֆիայի հայկական կազմակերպությունների համադրիչ խորհրդի համատեղ նախաձեռնությամբ և ՀՀ դեսպանության հովանավորությամբ 2019թ. մարտի 29-ին Սոֆիայի Հայոց տանը կազմակերպվեց հայ աստղագետ և աստղաֆիզիկոս, տեսական աստղաֆիզիկայի հիմնադիրներից մեկի՝ ակադեմիկոս Վիկտոր Համբարձումյանի ծննդյան 110-ամյակին նվիրված հուշերեկո:

Բուլղարիայի “Երևան” կազմակերպության նախագահ, հայտնի գիտնական Գարո Մարդիրոսյանը ներկայացրեց աշխարհահռչակ հայ գիտնականի կենսագրությունը և գիտական գործունեության հիմնական ուղղությունները: Նա անդրադարձավ նաև Վ. Համբարձումյանի մանկավարժական, գիտա-կազմակերպչական և հասարակական-քաղաքական գործունեությանը:

Միջոցառմանը ելույթով հանդես եկավ ԲՀ ազգային ակադենիայի աստղագիտության ինստիտուտի դոկտոր-պրոֆեսոր, հայտնի գիտնական, Վ. Համբարձումյանի աշակերտ Միլչո Ցվետկովը: Նա ներկայացրեց Վ. Համբարձումյանի գիտական ժառանգությունը՝ մանրամասն տեղեկություններ տրամադրելով վերջինիս կողմից աստղագիտության տարբեր բնագավառներում արված հայտնագործությունների, գյուտերի և նորարարությունների մասին: Ցուցադրվեցին Վ. Համբարձումյանի գիտական և հասարակական գործունեությունը, ինչպես նաև անձնական կյանքը ներկայացնող արխիվային լուսանկարներ:

Ողջույնի խոսքով հանդես եկավ և Վ. Համբարձումյանի մասին իր հիշողությունները ներկայացրեց դեսպան Ա. Սարգսյանը:

Միջոցառմանը մասնակցեցին բուլղարահայ համայնքի, ԲՀ գիտությունների ակադեմիայի և գիտական շրջանակների ներկայացուցիչներ, լրագրողներ: Համայնքի ներկայացուցիչների կատարմամբ հնչեցին Կոմիտասի և համաշխարհային դասականների ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր