Թեոդիկի «Ամենուն տարեցոյցը» տասհատորյակը նվիրաբերել է ՀՀ դեսպանությանը:

29 ապրիլի, 2019

Բուլղարիայի հայ համայնքի ներկայացուցիչ 87-ամյա Հռիփսիմե Փաչաճիանը 1920-1929 թվականներին Կ.Պոլսում հրատարակված Թեոդիկի «Ամենուն տարեցոյցը» տասհատորյակը սիրահոժար նվիրաբերել է Բուլղարիայում ՀՀ դեսպանությանը:

Արժևորելով տասհատորյակի պատմական կարևորությունը՝ դեսպան Արմեն Սարգսյանը աշխատանքային այցով Երևանում գտնվելու ընթացքում ՀՀ ԱԳՆ աշխատակցի ուղեկցությամբ, 2019թ ապրիլի 29-ին այցելել է Հայաստանի ազգային գրադարան և վերը նշված գրքերը հանձնել գրադարանի տնօրեն պրն Հ. Սարիբեկյանին:

Վերջինս իր խորին շնորհակալությունն ու երախտագիտությունն է հայտնել արժեքավոր նվիրատվության համար՝ հավաստիացնելով, որ ստացված գրականությունն իր արժանի տեղը կգտնի Մայր գրադարանի հավաքածուներում:

Նշենք, որ դեսպան Ա. Սարգսյանի անունով Հայաստանի ազգային գրադարանից ստացվել է շնորհակալական նամակ՝ արժեքավոր նվիրատվության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր