«Հայաստան և Բուլղարիա – գույներ և ձևեր» խորագրով հայ և բուլղար գեղանկարիչների գործերի համատեղ ցուցահանդես

01 հուլիսի, 2019

2019թ. հուլիսի 1-ին Սոֆիայի «Գալերիա ՆԴԿ» ցուցասրահում բացվեց և այս օրերին անց է կացվում «Հայաստան և Բուլղարիա – գույներ և ձևեր» խորագրով հայ և բուլղար գեղանկարիչների գործերի համատեղ ցուցահանդեսը, որը կազմակերպվել է ՀԲԸՄ Սոֆիայի և Վառնայի մասնաճյուղերի նախաձեռնությամբ և ԲՀ մշակույթի նախարարության հովանավորությամբ և օժանդակությամբ:

Հայկական արվեստը ներկայացնելու նպատակով Բուլղարիա են ժամանել Հայ կերպարվեստի հիմնադրամի նախագահ Խ. Աբրահամյանը, ՀՀ նկարիչների միության անդամներ Աղասի Թալալյանը, Արմեն Դերմենջյանը և Արթուր Սմբաթյանը: Ընդհանուր առմամբ, ցուցահանդեսին ներկայացված են հայ և բուլղար, այդ թվում և բուլղարահայ, թվով 29 հեղինակների մի քանի տասնյակ ստեղծագործություններ:

Բացման արարողությանը մասնակցեցին մշակույթի և արվեստի ճանաչված գործիչներ, բուլղարահայ համայնքային կազմակերպությունների ներկայացուցիչներ, երկրում հավատարմագրված դեսպաններ և դիվանագետներ: Միջոցառմանը ներկա էր դեսպան Ա. Սարգսյանը:

Հուլիսի 9-ին ցուցահանդեսը տեղափոխվեց Վառնա և ներկայացվեց մինչև հուլիսի 17-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր