Դեսպան Եդիգարյանը մասնակցել է «Հիշողություն» խորագրով ցուցահանդեսի բացման արարողությանը

05 հոկտեմբերի, 2022

2022թ. հոկտեմբերի 4-ին դեսպան Արմեն Եդիգարյանը մասնակցել է «Հիշողություն» խորագրով ցուցահանդեսի բացման արարողությանը, որը նվիրված էր հայ գաղթականների՝ Բուլղարիա առաջին զանգվածային ներգաղթի 100-ամյա տարելիցին և Հայաստանի և Բուլղարիայի միջև դիվանագիտական հարաբերությունների հաստատման 30-ամյակին:

Իր խոսքում դեսպան Եդիգարյանը նշել է, որ հայ-բուլղարական բարեկամության, եղբայրության, ընդհանուր դժվարությունների, ողբերգությունների և հանուն ազատության համատեղ պայքարի պատմական հիշողությունն անփոխարինելի է և վճռորոշ երկկողմ հարաբերությունների բնույթի և ամրության համար:

ՀՀ դեսպանը հավելել է, որ Բուլղարիայի հայ համայնքն այսօր էլ շարունակում է երկու ժողովուրդների և պետությունների միջև յուրօրինակ կամուրջի հատուկ դերակատարումը և նպաստում արդյունավետ կապերի և համագործակցության իրականացմանը:

Բացման արարողությանը ներկա են գտնվել Աշխատանքի և սոցիալական քաղաքականության հարցերով ԲՀ ծառայողական փոխվարչապետ Լազար Լազարովը, ԲՀ փոխնախագահ Իլիանա Յոտովայի աշխատակազմի ղեկավար Կրիստիելա Սիմեոնովան, դեսպաններ, Բուլղարիայում հավատարմագրված դիվանագիտական կորպուսի անդամներ, հայ համայնքի և բուլղար հասարակության ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր