„Որբերի ողբը” ֆիլմի ցուցադրում Սոֆիայում

21 ապրիլի, 2012

Ապրիլի 21-ին Սոֆիայի <<Լյումիեր>> դահլիճում ապրիլի 24-ի միջոցառումների շրջանակում ԲՀ-ում ՀՀ արտակարգ լիազոր դեսպան Արսեն Սհոյանի հովանո ներքո, Սոֆիայի Հայ Բարեգործական Ընդհանուր Միության և Սոֆիայի հայկական կազմակերպությունների համադրիչ խորհրդի նախաձեռնությամբ` տեղի ունեցավ լիբանանահայ Միսակ Քելեշյանի հանրային ելույթը, որը ներկայացրեց Մեծ Եղեռնից հետո Անթուրայում երիտթուրքերի կողմից ստեղծված պետական որբանոցում հայ որբերի թրքացման քաղաքականությանը առնչվող փաստեր և տեսանյութեր։ Միջոցառմանը ելույթի խոսքով հանդես եկան Ակադեմիայի պատմության ինստիտուտի տնօրեն ակադեմիկոս Գեորգի Մարկովը և ՎՄՌՕ /Ներքին մակեդոնական հեղափոխական կազմակերպություն/ կուսակցության փոխնախագահ և քաղաքապետարանի ավագանու անդամ Անգել Ջամբազսկին, /որը վերջերս առաջարկություն է ներկայացրել Սոֆիայի քաղաքապետարանի ավագանուն հայկական Ցեղասպանությունը ճանաչելու կոչով/, ընթերցվեցին նաև եվրոպատգամավորներ Անդրեյ Կովաչևի և Սլավի Բինևի ուղերձները։
Միջոցառմանը ներկա էին ԲՀ-ում ՀՀ դեսպան Արսեն Սհոյանը, Հայ Առաքելական եկեղեցու տեղեպահ վարդապետ Աբգար Հովակիմյանը, հայկական կազմակերպությունների ղեկավարներ, մտավորականներ բուլղար համախոհներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր