Հայոց ցեղասպանության 97-ամյակին նվիրված սգո հանրահավաք Սոֆիայում

24 ապրիլի, 2012

Հայոց ցեղասպանության հիշատակի օրը` ապրիլի 24-ին,, ԲՀ-ում ՀՀ դեսպան Արսեն Սհոյանը, Հայ առաքելական եկեղեցու առաջնորդական տեղապահ Տեր Աբգար Հովակիմյանը, թեմական խորհրդի նախագահ Ռուբեն Գրիգորյանը, դեսպանության անձնակազմը, Թեմական և Սոֆիայի եկեղեցական խորհրդի անդամները, ինչպես նաև բոլոր հայկական կրթամշակութային, երիտասարդական, բարեգործական և հասարակական կազմակերպությունների ներկայացուցիչները, Հայոց ցեղասպանությունը դատապարտող ցուցապաստառներով, երեկոյան երթով Սոֆիայի հայկական եկեղեցուց շարժվեցին դեպի „Երևան” պուրակում տեղադրված Հայկական Խաչքարը։
Խաչքարի մոտ սկսվեց Հայոց Մեծ Եղեռնի 97-րդ տարելիցին նվիրված սգո հանրահավաքը։ Հոգեհանգստյան արարողություն մատուցվեց, տեղի ունեցավ լռության րոպե, մոմավառություն և պսակադրման արարողություն։
Հանրահավաքին ելույթներով հանդես եկան ԲՀ-ում ՀՀ արտակարգ և լիազոր դեսպան Արսեն Սհոյանը և ՎՄՌՕ /Ներքին մակեդոնական հեղափոխական կազմակերպություն/ կուսակցության փոխնախագահ և քաղաքապետարանի ավագանու անդամ Անգել Ջամբազսկին։ „Երևան” թերթի գլխավոր խմբագիր Վարդանուշ Թոփաքբաշյանը ներկայացրեց Եվրոպական Խորհրդարանի պատգամավոր Անդրեյ Կովաչևի ուղերձը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր