Հանդիպում Սոֆիայի քաղաքապետարանում

01 օգոստոսի, 2012

Օգոստոսի 1-ին Բուլղարիայի Հանրապետությունում ՀՀ արտակարգ և լիազոր դեսպան Արսեն Սհոյանը հանդիպեց Սոֆիայի քաղաքապետ Յորդանկա Ֆանդըկովայի հետ և իրեն հանձնեց Երևանի քաղաքապետ Տարոն Մարգարյանի կողմից ստացված` Հայաստանի մայրաքաղաքը այցելելու հրավեր: Դեսպան Սհոյանը տկն. Ֆանդըկովային տեղեկացրեց սեպտեմբերին կայանալիք մշակութային իրադարձությունների մասին, որոնք հայկական կողմն իրականացնելու է Բուլղարիայի մշակույթի նախարարության և «Սվ. Սվ. Կիրիլ ի Մետոդի» ազգային գրադարանի հետ համատեղ: Ողջունելով երկու երկրների համագործակցությունը մշակույթի ոլորտում, տկն. Ֆանդըկովան իր հերթին հիշատակեց ավանդաբար լավ հարաբերությունները հայ համայնքի հետ: Սոֆիայի «Սուրբ Աստվածածին» եկեղեցու կառուցման ավարտի համար քաղաքապետարանի հատկացրած նյութական օժանդակության կապակցությամբ տկն. Ֆանդըկովան ընդգծեց նոր տաճարի կարևորությունը և դերը մայրաքաղաքի հայերի համար:
Հանդիպման ընթացքում շոշափվեցին նաև Սոֆիայի հայ համայնքին առնչվող արդի խնդիրներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր