“Հայ գրատպության 500-ամյակը” նշվեց Սոֆիայում

04 սեպտեմբերի, 2012

Սեպտեմբերի 4-ին “Սբ.Կիրիլի և Մեթոդիի” անվան ազգային գրադարանում բացվեց “Երևանը ՅՈՒՆԵՍԿՕ-ի կողմից հռչակված 2012թ. գրքի համաշխարհային մայրաքաղաք և հայ գրատպության 500-ամյակը” խորագրով հայ հնատիպ գրքերի ցուցահանդեսը, որտեղ և տեղի ունեցավ “Մարկո Կրալ” էպոսի հայերեն և Լևոն Շանթի “Կայսր” պատմական դրամայի բուլղարերեն թարգմանությամբ հրատարակությունների շնորհանդեսը:
Միջոցառմանը ողջույնի խոսքով հանդես եկավ Բուլղարիայի Հանրապետության փոխնախագահ Մարգարիտա Պոպովան, որը իր ելույթում նշեց հայ գրականության համար գրատպության գյուտի նշանակությունը և կարևորեց բուլղարական բազմաթիվ գրքերի և ամսագրերի հրատարակումը Կոստանդնուպոլսի հայկական տպարաններում: Ելույթներով հանդես եկան ՀՀ մշակույթի նախարար Հասմիկ Պողոսյանը, Բուլղարիայի Հանրապետության փոխնախարար Միտկո Տոդորովը, Բուլղարիայում ՀՀ արտակարգ և լիազոր դեսպան Արսեն Սհոյանը, Հայաստանի և Բուլղարիայի ազգային գրադարանների տնօրեններ Բորյանա Խրիստովան և Տիգրան Զարգարյանը:
Ցուցահանդեսի դռները բաց կլինեն մինչև հոկտեմբերի 4-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր