Հայ մշակույթի միամսյակ Պլովդիվում

18 սեպտեմբերի, 2012

Պլովդիվ քաղաքում սեպտեմբերի 18-ին Բուլղարիայում ՀՀ դեսպանության Պլովդիվի պատվո հյուպատոսության և քաղաքապետարանի նախաձեռնությամբ մեկնարկեց “Հայ մշակույթի միամսյակ” ցուցահանդեսը, որի բացումը տեղի ունեցավ “Գալերիա” առևտրական կենտրոնի ցուցասրահում:
Բացման արարողությանը ողջույնի խոսքով հանդես եկավ ՀՀ դեսպան Արսեն Սհոյանը, որը մասնավորապես կարևորեց, որ նման միջոցառումները հիմք են հանդիսանում Հայաստանի և Բուլղարիայի երկկողմ հարաբերությունների խորացմանը, առևտրա-տնտեսական կապերի և զբոսաշրջության ընդլայնմանը, շնորհավորեց ՀՀ անկախության 21-րդ տարեդարձի կապակցությամբ համասփյուռ մեր հայրենակիցներին համաժողովրդական տոնի առթիվ: Ելույթի խոսքով հանդես եկան Պլովդիվի քաղաքապետարանի զբոսաշրջության վարչության պետ Սպաս Գրնևսկին, բանաստեղծ Օլյա Ալ Ահմեդը: Միջոցառման կազմակերպիչները ներկայացրեցին նաև հայ ձեռագործության, ժանյակագործության, գորգարվեստի, քանդակագործության նմուշներ: Ցուցադրված էին հայազգի գեղանկարչուհի Զառա Մանուչարյանի և բուլղար լուսանկարիչներ Միլկո Իլիևի և Խրիստո Դիմիտրովի Հայաստանի տեսարժան վայրերը պատկերող աշխատանքները: Միջոցառմանը ներկա էին Պլովդիվում հավատարմագրված պատվո հյւոպատոսներ, մտավորաններ, գործարարներ, լրագրողներ, հայ համայնքի ներկայացուցիչներ:
Ցուցահանդեսը գործելու է մեկ ամիս և ուղեկցվելու է մի շարք միջոցառումներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր