Անկախության տարելիցին նվիրված միջոցառում Սոֆիայում

22 սեպտեմբերի, 2012

Սեպտեմբերի 22-23-ը <<Արտ>> սրճարան ակումբում Սոֆիայի Համադրիչ խորհուրդի նախաձեռնությամբ տեղի ունեցավ միջոցառում <<Հայաստանը և հայերը մոտիկից>> խորագրով, որը նվիրված էր ՀՀ Անկախության 21-րդ տարեդարձին:
Հանդիսավոր օրը ողջունեցին և շնորհավորեցին ՀՀ դեսպան Արսեն Սհոյանը, <<Երևան>> թերթի գլխավոր խմբագիր Վարդանուշ Թոփակբաշյանը, Սոֆիայի <<Սբ.Աստվածածին>> եկեղեցու քահանա Տեր Գուսան Հատավյանը:
Միջոցառումները ուղեկցվում էին տեղի համայնքի ներկայացուցիչների կողմից տրամադրված հնատիպ գրքերի ցուցադրմամբ, բուլղարահայ ֆոտո լրագրող Մարի Քնալյանի աշխատանքներով, հայ ձեռարվեստի նմուշների ցուցահանդեսով:
Ներկաներին իր երգարվեստը և գեղանկարչությունը ներկայացրեց Մարի Բասմաջյանը, ցուցադրվեց հայ գրատպությանը նվիրված վավերագրական կինոնկար: Գեղարվեստական ծրագիրը համալրվեց հին հայկական և բուլղարաբնակ բանաստեղծների պոեզիայով, երգիչ և երգահան Հայկաշոտ Ագասյանի ստեղծագործություններով և ”Սունդուկյանի” անվան հայ սիրողական թատերախմբի կատարումներով: Երկու օրերի ընթացքում ներկաները հնարավորություն ունեցան համտեսել հայկական խոհանոցին հատուկ ուտեստներ:
Միջոցառմանը ներկա էին հայկական կազմակերպությունների ղեկավարներ, համայնքի ներկայացուցիչներ, բուլղար բարեկամներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր