ՀՀ մշակույթի նախարար Հասմիկ Պողոսյանը մասնակցել է Բուլղարիայում կայացած Հարավ-արևելյան Եվրոպայի մշակույթի ժառանգությանը նվիրված նախարարական 8-րդ համաժողովին

26 հոկտեմբերի, 2012

2012 թ. հոկտեմբերի 24-25-ը Բուլղարիայի Սոֆիա քաղաքում կայացել է Հարավ-արևելյան Եվրոպայի երկրների մշակութային ժառանգությանը նվիրված նախարարական 8-րդ համաժողովը, որն անցկացվում էր ՅՈՒՆԵՍԿՕ-ի «Մշակույթ. զարգացման կամուրջ» նախաձեռնության շրջանակներում` «Ոչ նյութական մշակութային ժառանգությունը և կայուն զարգացումը» խորագրի ներքո:
Հանդիպման կազմակերպիչն էր Բուլղարիայի մշակույթի նախարարությունը` ՅՈՒՆԵՍԿՕ-ի Վենետիկի գրասենյակի, ինչպես նաև ՅՈՒՆԵՍԿՕ-ի գլխավոր քարտուղար Իրինա Բոկովայի աջակցությամբ:
Համաժողովին մասնակցում էին Բուլղարիայի, Ալբանիայի, Չեռնոգորիայի, Սերբիայի, Մակեդոնիայի, Թուրքիայի, Մոլդովայի, Խորվաթիայի, Հունաստանի, Իտալիայի, Բոսնիա և Հերցոգովինայի, Ռումինիայի, Սլովենիայի, Հայաստանի, Մոնտենեգրոյի մշակույթի նախարարները, փոխնախարարները, ոչ նյութական մշակութային ժառանգության փորձագետները:
Հայաստանի Հանրապետության պատվիրակությունը համաժողովին մասնակցում էր առաջին անգամ:
Հանդիպման շրջանակներում ՀՀ մշակույթի նախարարն առանձնազրույցներ է ունեցել մասնակից երկրների գործընկեր մշակույթի նախարարների, փոխնախարարների, ինչպես նաև ՅՈՒՆԵՍԿՕ-ի գլխավոր քարտուղար Իրինա Բոկովայի հետ: Վերջինիս հետ զրույցում քննարկվել է Հայաստանի և ՅՈՒՆԵՍԿՕ-ի միջև համագործակցության ընդլայնման հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր