Կավառնայում հավերժացվեց Երանոս Երանոսյանի հիշատակը

30 հոկտեմբերի, 2012

Ս.թ. հոկտեմբերի 30-ին Բուլղարիայի Հանրապետության Կավառնա քաղաքի քաղաքապետ Ցոնկո Ցոնևի հրավերով ՀՀ դեսպան Արսեն Սհոյանը մասնակցեց քաղաքային խորհրդի հերթական նիստին,որի քննարկման կետերից էր 1877-78թթ. ռուս-թուրքական ազատագրական պատերազմի ժամանակ Կավառնա քաղաքը բնաջնջումից փրկած Երանոս Երանոսյանին պատվավոր քաղաքացու կոչում շնորհելը: Քվեարկված որոշումն ընդունվեց միաձայն:
ՀՀ դեսպան Արսեն Սհոյանը ողջույնի խոսքով հանդես եկավ և շնորհակալություն հայտնեց քաղաքապետին և քաղաքային խորհուրդին մեր ազգակցի սխրագործությունը գնահատելու կապակցությամբ:
Որոշումն ընդունելուց հետո տեղի ունեցավ պսակադրման արարողությունը Երանոս Երանոսյանի հուշաքարի առջև:
Միջոցառմանը ներկա էին ՀՀ դեսպան Արսեն Սհոյանը, Հայ Առաքելական Եկեղեցու Բուլղարիայի Թեմական Խորհրդի ատենապետ Ռուբեն Գրիգորյանը, Կավառնայի քաղաքապետարանի աշխատակազմի ղեկավար Դարինա Կոլիշևան, Վառնայում ՀՀ պատվո հյուպատոս Սարգիս Սարգիզովը,Վառնայի հայ առաքելական եկեղեցու քահանա Բարդողիմեոսը, Երանոս Երանոսյանի ծոռնորդին բժիշկ Արթյուն Էրինոզովը, տեղի համայնքի և մոտակա Դոբրիչ քաղաքի հայկական կազմակերպությունների ղեկավարներ և հայրենակիցներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր