ՀՀ դեսպանի հանդիպունը ԲՀ կառավարությանն առընթեր անվտանգության Խորհուրդի քարտուղար Գեորգի Կրըստովի հետ

27 նոյեմբերի, 2012

Ս.թ. նոյեմբերի 26-ին ԲՀ կառավարությունում տեղի ունեցավ ՀՀ արտակարգ և լիազոր դեսպան Արսեն Սհոյանի և ԲՀ կառավարությանն առընթեր անվտանգության խորհուրդի քարտուղար, նախարարների խորհուրդի առընթեր էթնիկ և ինտեգրացիոն հարցերով համագործակցության ազգային խորհուրդի փոխնախագահ Գեորգի Կրըստովի հետ: Հանդիպման նպատակն էր քննարկել Գեորգի Կրըստովի 2013թ-ին Հայաստան կատարվելիք այցի` ՀՀ Ազգային անվտանգության խորհրդի և Բուլղարիայի Հանրապետության Անվտանգության խորհուրդի միջև գործընկերային կապեր հաստատելու համար: Անդրադարձ կատարվեց երկկողմ հարաբերությունների ներկա մակարդակի և զարգացման հեռանկարներին: Դեսպան Սհոյանը նշեց, որ Հայաստանը կարևորում է Բուլղարիայի Հանրապետության հետ հարաբերությունների զարգացումը և խորացումը ինչպես երկկողմ, այնպես էլ բազմակողմ ձևաչափերով, այդ թվում՝ ակտիվ համագործակցությունը ԵՄ-ի շրջանակներում: Դեսպանը կարևորեց նաև Հայ Առաքելական Եկեղեցու Բուլղարիայի Հայոց թեմի դերակատարությանը հայ համայնքի կյանքում, անդրադարձավ նաև Բուլղարիայում գործող հայ համայնքի բազմաթիվ հարցերին:Հանդիպմանը ներկա էր նաև ԲՀ վարչապետի արտաքին հարցերով խորհրդական Անգել Չոլակովը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր