ՀՀ դեսպանությունը մասնակցեց ամանօրյա բարեգործական տոնավաճառին

03 դեկտեմբերի, 2012

Դեկտեմբերի 2-ին Սոֆիայի Inter Expo Centre ցուցասրահում տեղի ունեցավ կանանց միջազգային ակումբի կոմից կազմակերպված <<Աշխարհը գալիս է քեզ մոտ>> խորհագրով մեկօրյա բարեգործական տոնավաճառ, որին ՀՀ դեսպանությունը ներկայացավ ազգային տաղավարով:
Հայկական տաղավարում ներկայացված էին ավանդական կերակրատեսակներ, խմիչքներ, գրքեր հուշանվերներ և այլն: Ձեռնարկին իրենց մասնակցությունը բերեցին Սոֆիայի համադրիչ խորհուրդի տիկնանց միությունը, AGBU Սոֆիայի բարեգործական միության Սոֆիայի մասնաճյուղը, բուլղարիայում սովորող հայ ուսանողները, իսկ հայ ազգային մշակույթը ներկայացվեց Սոֆիայի համայնքի <<Նաիրի>> և <<Նուռ>> պարային համույթների կողմից: Հայակական տաղավարը մեծ հետաքրքրություն էր առաջացրել այցելուների միջև, որոնց թվում էին Բուլղարիայում Հայ Առաքելական եկեղեցու տեղապահ վարդապետ Տեր Աբգար Հովակիմյանը, դեսպաններ, հյուպատոսներ, ԲՀ առևտրատնտեսական պալատի նախագահը:
Տոնավաճառին մասնակցում էին 55 երկրների դիվանագիտական առաքելություններ և կազմակերպություններ, ամբողջ հասույթը տրամադրվեց երեխաների մասնկական ֆոնդին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր