Սումգայիթի ողբերգության 25-րդ տարելիցը նշվեց Սոֆիայում

24 փետրվարի, 2013

Փետրվարի 24-ին Սումգայիթի ողբերգության 25-րդ տարելիցի կապակցությամբ Բուլղարիայում ՀՀ դեսպանության նախաձեռնությամբ Սոֆիայի <<Երեւանյան>> պուրակում տեղադրված հայկական խաչքարի մոտ տեղի ունեցավ պսակադրման արարողություն:
Արարողությանը ներկա էին ԲՀ-ում ՀՀ դեսպան Արսեն Սհոյանը, Բուլղարիայի Հայ Առաքելական Եկեղեցու Բուլղարիայի Թեմի Առաջնորդական տեղապահ վարդապետ Տեր Աբգար Հովակիմյանը, Հայ Առաքելական Եկեղեցու Թեմական Խորհրդի Ատենապետ Ռուբեն Գրիգորյանը, Սոֆիայի եկեղեցական եւ թեմական խորհրդի, հայկական կրթամշակութային, երիտասարդական, բարեգործական եւ հասարակական կազմակերպությունների ղեկավարներ և անդամներ, մտավորականներ, ԶԼՄ ներկայացուցիչներ:
Արարողությունից հետո Սոֆիայի «Սուրբ Աստվածածին» եկեղեցում տեղի ունեցավ Հոգեհանգստյան Սուրբ Պատարագ:
Նույն օրը հոգեհանգստյան պատարագներ մատուցվեցին նաեւ Բուլղարիայի Պլովդիվ, Վառնա, Բուրգաս քաղաքների եկեղեցիներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր