“Հայերը և Բալկանյան պատերազմը” թեմայով գիտաժողով Սոֆիայում

07 ապրիլի, 2013

Բալկանյան պատերազմի 100-ամյակի շրջանակում Բուլղարիայում գործող <<Հայ դատ>> հանձնախմբի նախաձեռնությամբ և Սոֆիայի քաղաքապետարանի աջակցությամբ ապրիլի 5ին և 6-ին Սոֆիայի քաղաքային գրադարանում տեղի ունեցավ գիտաժողով` “Հայերը և Բալկանյան պատերազմը” թեմայով:
Միջոցառման բացմանը ողջույնի խոսքով հանդես եկավ Բուլղարիայում ՀՀ դեսպան Արսեն Սհոյանը: Մեջբերելով 1912-1913թթ. Բալկանյան պատերազմում հայերի մասնակցության մասին պաշտոնական փաստագրական տվյալները, դեսպանը ընդգծեց, որ պատերազմին մասնակցած 300 հայ կամավորականներից 30-ը պարգևատրվել են պետական պարգևներով: Դեսպան Սհոյանը շեշտեց տեղի ունեցող գիտաժողովի կարևորությունը, որը կոչված էր մեր հայրենակիցների սխրագործություններն ու հիշատակը հավերժացնելուն: Իր ելույթը եզրափակելով, դեսպանը նշեց, որ հերոսությունը մարդկային բարձր արժեք է` անկախ անհատի ազգությունից ու դավանանքից:
Գիտաժողովին զեկույցներով հանդես եկան պատմաբան, ակադեմիկոս Գ.Մարկովը, Սոֆիայի զինվորական ակադեմիայի պատմաբան, պրոֆեսոր Տոդոր Պետրովը և այլ հետազոտողներ:
Միջոցառմանը ներկա էին հայկական կազմակերոպությունների ղեկավարներ, օտարերկրյա դիվանագետներ, գիտնականներ, լրագրողներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր