Հայոց Ցեղասպանության 98-րդ տարելիցի միջոցառումներ Բուլղարիայում

22 ապրիլի, 2013

<<Երկյուղած լռություն>> մենաներկայացումը Սոֆիայում

Սոֆիայում 2013թ. ապրիլի 19-ին Հայոց ցեղասպանության հիշատակի հավերժացման միջոցառումների շրջանակում տեղի ունեցավ <<Հիշատակը կենդանի է>> խորագրով Հայաստանից ժամանած Երևանի կամերային թատրոնի դերասանուհի Հասմիկ Տեր-Կարապետյանի հեղինակային <<Երկյուղած լռություն>> մենաներկայացումը` նվիրված հայ մեծանուն դերասանուհի Սիրանույշին: Միջոցառումը տեղի ունեցավ ՀՀ դեսպանության նախաձեռնությամբ և Սոֆիայի ՀԲԸՄ մասնաճյուղի ատենապետ տիկին Սոնյա Ավագյանի աջակցությամբ: Միջոցառմանը ներկա էին Բուլղարիայում ՀՀ արտակարգ և լիազոր դեսպան Արսեն Սհոյանը, Բուլղարիայում հայ Առաքելական Եկեղեցու առաջնորդական տեղապահ վարդապետ Տեր Աբգար Հովակիմյանը, Հայ Առաքելական Եկեղեցու Բուլղարիայի Թեմական Խորհրդի ատենապետ Ռուբեն Գրիգորյանը, հայ համայնքի ներկայացուցիչներ: Ապրիլի 20-ին բեմադրությունը ներկայացվեց Պլովդիվի հայ հանդիսատեսին` Պատվավոր հյուպատոս Եղիազար Ուզունյանի աջակցությամբ:

Հայաստանի և Բուլղարիայի <<Նոր անուններ >>պատանի երաժիշտների համատեղ համերգը Սոֆիայում

2013թ. ապրիլի 20-ին և 21-ին Սոֆիայի <<Լյուբոմիր Պիպկովի>> անվան ազգային երաժշտական դպրոցի սրահում տեղի ունեցավ Հայաստանի և Բուլղարիայի <<Նոր անունները>> խորհագրով համատեղ համերգը, որին մասնակցեցին Հայաստանից ժամանած տաղանդավոր մանուկ երաժիշտներ: Համերգը նախաձեռնել էր Բուլղարիայում ՀՀ դեսպանությունը Սոֆիայի ՀԲԸՄ մասնաճյուղի աջակցությամբ: 2011 թվականից Հայաստանում գործում է <<Հայաստանի նոր անուններ>> ծրագիրը` ՀՀ Առաջին տիկին Ռիտա Սարգսյանի բարձր հովանու ներքո: Սոֆիայում «Հայաստանի նոր անուններ» պատանի երաժիշտ կատարողները հյուրընկալվեցին «Մշակույթի գործիչների ընկերակցության» նախագահ, ՀՀ մշակույթի վաստակավոր գործիչ Սիլվա Մեքինյանի գլխավորությամբ:
Երիտասարդ կատարողներին նվագակցում էր Սոֆիայի ՀԸԲՄ մասնաճյուղի կամերային նվագախումբը Պետրոս Փափազյան ղեկավարությամբ:
Միջոցառմանը ներկա էին ՀՀ դեսպան Արսեն Սհոյանը, Բուլղարիայի Վիճակագրության ազգային ինստիտուտի նախագահ, նախկին վարչապետ տիկին Ռենետա Ինջովան, Բուլղարիայի լրագրողների միության նախագահ տիկին Սնեժանա Տոդորովան, Սոֆիայի <<Սուրբ Աստվածածին>> եկեղեցու քահանա Տեր Գուսան Հատավյանը, հայ և բուլղար ունկնդիրներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր