Հայոց Ցեղասպանության հիշատակին նվիրված միջոցառումներ Սոֆիայում

24 ապրիլի, 2013

Հայոց Ցեղասպանության 98-րդ տարելիցի կապակցությամբ ապրիլի 24-ին, Բուլղարիայում ՀՀ դեսպան Արսեն Սհոյանը, Հայ Առաքելական եկեղեցու առաջնորդական տեղապահ Տեր Աբգար Հովակիմյանը, դեսպանության անձնակազմը, ԲՀ խորհրդարանի նախկին պատգամավոր Կատար Խաչիկյանը և բուլղարահայ համայնքի ներկայացուցիչներ ծաղկեպսակներ դրեցին Սոֆիայի հայկական գերեզմանատան Հայոց Ցեղասպանության զոհերի հիշատակին նվիրված հուշարձանին: Ելույթով հանդես եկավ դեսպան Սհոյանը, որը մասնավորապես նշեց Հայոց ցեղասպանության միջազգային ճանաչման և հետևանքների վերացման անհրաժեշտությունը, ինչպես նաև դատապարտեց ժխտողականության քաղաքականությունը: Պսակադրման արարողությանը հաջորդեց հոգեհանգստյան Սուրբ պատարագ, որը մատուցվեց Սոֆիայի <<Սուրբ Աստվածածին>> եկեղեցում: Միջոցառումները լուսաբանում էին Բուլղարական <<Ալֆա>> և <<Սկատ>> հեռուստաընկերությունները, որոնց և հարցազրույց տվեց ՀՀ դեսպան Արսեն Սհոյանը:

Հայոց Ցեղասպանության անմեղ զոհերի հիշատակին նվիրված բազմաբնույթ միջոցառումները շարունակվում են Բուլղարիայի բոլոր հայաշատ քաղաքներում` Վառնա, Պլովդիվ , Ռուսե, Բուրգաս. Դոբրիչ, Սլիվեն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր