Խաչը եվրոպական մշակույթում

14 մայիսի, 2013

Մայիսի 13-ին Սոֆիայում բացվեց Խաչը եվրոպական մշակույթում ցուցահանդեսը։ Ցուցա դրությունը հանդիսանում է այն հիմնական մշակութային միջոցառումը, որը կազմակերպվում է Բուլղարիայում՝ Եվրոպական Միության Խորհրդի Իռլանդական նախագահության շրջանակներում։
Հայաստանը, ինչպես եւ Եվրոպական Միության բոլոր պետությունները, ունի նշանակալից քրիստոնեական ավանդույթներ, որոնք արձագանք են գտնում Եվրոպայի գեղարվեստական ժառանգությունը հանդիսացող խաչերի հարուստ բազմազանության մեջ։Այդ նկատառումներից ելնելով` ցուցահանդեսին մասնակցեց նաև Բուլղարիայում Հայաստանի Հանրապետության դեսպանությունը, ներրկայացնելով Պլովդիվ քաղաքի Սուրբ Գևորգ եկեղեցու թանգարանից նմուշներ:Ցուցահանդեսում Իռլանդիայի խաչերի բնորոշիչ ավանդույթները զուգորդվում են Հայաստանի եւ ԵՄ երկրների խաչերի հետ՝ կազմելով գեղարվեստական եւ կրոնական ավանդույթների մի ուշագրավ ամբողջություն։ Տասներկու պետությունների կողմից ներկայացված ցուցանմուշներ պարունակող այս ցուցահանդեսը վկայում է ինչպես եվրոպական ժողովուրդների ընդհանուր արմատների, այդպես էլ ընդհանուր եվրոպական տան հարուստ մշակութային բազմազանության մասին։
Ցուցահանդեսի բացմանը ներկա էին Սոֆիայում Հայաստանի Հանրապետության դեսպան Արսեն Սհոյանը եւ Հայ Առաքելական եկեղեցու առաջնորդական տեղապահ Տեր Աբգար Հովակիմյանը։
Ցուցահանդեսը գործելու է Սոֆիայի Ազգային ազգագրական թանգարանում 13-27-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր