Սբ.Սբ. Կիրիլի և Մեթոդիի տոնին նվիրված առաջին պաշտոնական հիշատակման հոբելյանական տոնակատարությոնները Շումենում

18 մայիսի, 2013

2013թ. մայիսի 18-ին Շումեն քաղաքում հանդիսավոր տոնակատարությամբ նշվեց Սբ. Սբ. Կիրիլի և Մեթոդիի կողմից ստեղծված սլավոնական այբուբենին նվիրված տոնի վերաբերյալ պաշտոնական առաջին գրավոր հիշատակման 200–րդ հոբելյանը, որի վաղեմության վկայությունը արձանագրված է եղել Վենետիկի Մխիթարյան միաբանության արխիվում գտնվող լեզվաբան, մանկավարժ, պատմաբան, գրականագետ և ճանապարհորդ, քահանա Մինաս Բժիշկյանցի նամակում, որը միակ հավաստող փաստաթուղթն է, որ Շումեն քաղաքում դեռևս 1813թ. առաջին անգամ պաշտոնապես նշել են սլավոնական լուսաորիչներ Սբ.Սբ. Կիրիլի և Մեթոդիի տոնը:

Մայիսի 18-ին Շումենի քաղաքապետ Կրասիմիր Կոստովի հրավերով ՀՀ դեսպան Ա.Սհոյանը մասնակցեց քաղաքապետարանի կազմակերպած տոնակատարություններին: Տեղի ունեցավ պաշտոնական հանդիպում քաղաքապետ Կրասիմիր Կոստովի և նրա տեղեկալների հետ, որի ընթացքում քննարկվեցին երկկողմ հարաբերություներին վերաբերող հարցեր, կարևորվեց տնտեսական հարաբերությունների ակտիվացումը, ինչպես նաև քննարկվեց Շումենը Հայաստանի որևէ քաղաքի հետ քույրացման հեռանկարը:
Պաշտոնական հադիպումներին հաջորդեց այցելություն Շումենի “Սուրբ Աստվածածին” Հայ Առաքելական եկեղեցի, որից հետո տեղի ունեցավ հանդիպում տեղի հայ համայնքի հետ, քննարկվեցին տեղի հայությանը հուզող հարցեր:
Շումեն քաղաքի “Սլավոնական զբոսայգում” տեղադրված գեներալ Վալերիան Մադաթովի հուշարձանին ՀՀ դեսպան Ա. Սհոյանը, քաղաքապետ Կրասիմիր Կոստովը և հայ համայնքի ներկայացուցիչները ծաղկեպսակներ դրեցին գեներալի 231-րդ տարեդարձի առթիվ, որից հետո ՀՀ դեսպան Արսեն Սհոյանը հարցազրույց տվեց բուլղարական ԶԼՄ-ների ներկայացուցիչներին:
Երեկոյան հայկական պատվիրակությունը քաղաքապետի ընկերակցությամբ ներկա եղավ քաղաքապետարանի կողմից կազմակերպված հանդիսավոր շքերթին և բացօթյա թատերական ներկայացմանը:
Միջոցառումներին ներկա էին Բուլղարիայում Հայ Առաքելական եկեղեցու առաջնորդական տեղապահ վարդապետ Աբգար Հովակիմյանը, փոխքաղաքապետ Ժիվկա Տոնևան, Շումենի Հայ Առաքելական եկեղեցական վարչության նորընտիր ատենապետ Արթուր Ալթունյանը, հայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր