Սոֆիայում նշվեց առաջին Հանրապետության 95-րդ ամյակը

01 հունիսի, 2013

Հունիսի 1-ին Սոֆիայի համադրիչ խորհուրդի նախաձեռնությամբ տեղի ունեցավ միջոցառում, որը նվիրված էր Հայաստանի առաջին Հանրապետության ստեղծման 95-րդ ամյակին:
Հանդիսավոր տոնի առթիվ ներկաներին ողջունեց և շնորհավորեց Բուլղարիայում ՀՀ արտակարգ և լիազոր դեսպան Արսեն Սհոյանը:
Դեսպան Սհոյանն իր ելույթում մասնավորապես նշեց, որ հայ ժողովուրդը Հայաստան-Արցախ-Սփյուռք եռամիասնությամբ լուծում է իր առջեւ դրված բոլոր մարտահրավերները, քանզի մեր բոլոր նվաճումները մեր միասնության ու կայունության արդյունքն են: Կարևորելով մայիսյան տոների խորհուրդը հայ ժողավրդի համար` դեսպան Սհոյանը մի անգամ ևս անդրադարձավ Մայիսի 28-ին իբրև ազգային խորհրդանիշ, որն ամփոփում է մեր անցած ճանապարհը ու նաև նախանշում մեր Հայրենիքի ապագան:
Միջոցառումը ուղեկցվում էր Վառնայի <<Սուրբ Սարգիս>> ընթերցարանին կից Նաիրի վոկալ համույթի կատարումներով:
Միջոցառմանը ներկա էին դեսպանության ամբողջ անձնակազմը, Բուլղարիայում հայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր