Բուլղարիայի Հայոց թեմի թեմական պատգամավորական ժողով Պլովդիվում

30 հունիսի, 2013

2013թ. հունիսի 28-29-ը Պլովդիվ քաղաքի <<Սբ.>> Գևորգ եկեղեցուն կից գործող մշակութային տան սրահում տեղի ունեցավ Բուլղարիայի Հայոց թեմի թեմական պատգամավորական ժողովը, որին մասնակցում էին Բուլղարիայի 13 եկեղեցական վարչություններից առաջադրված պատգամավորներ:
Բուլղարիայի հայոց թեմը 2010թ. առանձին թեմ հռչակվելուց հետո, առաջին պատգամավորական ժողովն էր, որի օրակարգի միակ հարցը նոր կանոնադրության ընդունում էր: Ժողովի մասնակիցներին իր Հայրապետական Օրհնությունն էր հղել Գարեգին Բ Ամենայն Հայոց Կաթողիկոսը:
Բուլղարիայի Հայոց թեմի թեմական պատգամավորական ժողովին ողջույնի խոսքով հանդես եկավ Բուլղարիայում ՀՀ արտակարգ և լիազոր դեսպան Արսեն Սհոյանը: Ելույթ ունեցան Մայր Աթոռ Սուրբ Էջմիածնի հատուկ ներկայացուցիչ, Ռումինիայի Հայոց թեմի առաջնորդ Գերաշնորհ Տ.Տաթև եպիսկոպոս Հակոբյանը, Բուլղարիայի Հայ Առաքելական եկեղեցու տեղապահ վարդապետ Տեր Աբգար Հովակիմյանը, Հայ Առաքելական եկեղեցու Բուլղարիայի Թեմական խորհրդի ատենապետ Ռուբեն Գրիգորյանը: Թեմական պատգամավորական Ժողովը հաջորդաբար նախագահեցին Վառնայի և Շումենի պատգամավորներ Վանուհի Առաքելյանը, Կարեն Բեյլերյանը և Արթուր Ալթունյանը: Թեմական ժողովի իրավական օժանդակությունը ապահովեցին Բուլղարիայի հայ իրավաբանների փորձագիտական խումբը:
Շահագրգիռ և բուռն քննարկումների արդյունքում, քվեարկությամբ ընդունվեց Բուլղարիայի Հայոց Թեմի նոր կանոնադրությունը, որը կներկայացվի Ամենայն Հայոց Կաթողիկոս Գարեգին Բ-ի հաստատմանը:
Բուլղարիայի Հայոց թեմի թեմական ժողովի պատգամավորներին տոնական տրամադրություն հաղորդեցին Բուլղարիայում սիրված երգիչ- մենակատարներ` <<Էրեբունի>> հանրաճանաչ վոկալ-գործիքային համույթի նվագագցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր