Սոֆիայում տեղի ունեցավ ՍԾՏՀ կազմակերպության Խորհրդարանական վեհաժողովի 41-րդ լիագումար նիստը

12 հուլիսի, 2013

2013 թվականի հուլիսի 9-11 Սոֆիայում տեղի ունեցավ Սևծովյան տնտեսական համագործակցության Խորհրդարանական վեհաժողովի Գլխավոր Ասամբլեայի 41-րդ նստաշրջանը, որով նշվեց կազմակերպության ստեղծման 20-ամյակը և ՍԾՏՀ ԽՎ Բուլղարիայի նախագահության վեցամսյա ժամկետի ավարտը:
Նիստի աշխատանքներին մասնակցում էին 128 ներկայացուցիչներ ՍԾՏՀ անդամ 12 երկրներից, այդ թվում ՀՀ ԱԺ պատվիրակությունը` պատգամավոր Գագիկ Մինասյանի գլխավորությամբ:

Բացման պաշտոնական արարողությանը ելույթներ ունեցան ԲՀ Նախագահ Ռոսեն Պլևնելիևը, ԲՀ Ժողովրդական ժողովի նախագահ Միխայիլ Միկովը և Եվրոխորհրդի Խորհրդարանական վեհաժողովի նախագահ Ժան-Կլոդ Մինյոնը:

Բուլղարիայում ՀՀ դեսպան Արսեն Սհոյանը ընթերցեց ՀՀ արտաքին գործերի նախարար, Սևծովյան տնտեսական համագործակցության կազմակերպության գործող նախագահ Էդվարդ Նալբանդյանի ուղերձը ԽՎ պատգամավորներին, որտեղ մասնավորապես նշվում է, որ չորրորդ անգամ ստանձնելով ՍԾՏՀ կազմակերպության նախագահությունը, Հայաստանը առաջիկա վեցամսյա ժամկետում իր առաջնահերթությունների շարքում կարևորելու է ՍԾՏՀ կազմակերպության արդյունավետության բարձրացումն ու գործունեության տնտեսական բաղադրիչի ուժեղացումը, տարածաշրջանային տնտեսական համագործակցության խթանումը, ինչպես նաև ՍԾՏՀ աշխատանքային խմբերում համագործակցության ձևաչափերի որակական արդիականացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր