ՀՀ դեսպան Արսեն Սհոյանի հանդիպումը Բուլղարիայի մշակույթի նախարար Պետըր Ստոյանովիչի հետ

18 հուլիսի, 2013

Հուլիսի 17-ին Բուլղարիայի մշակույթի նախարարությունում տեղի ունեցավ հանդիպում ԲՀ-ում ՀՀ դեսպան Արսեն Սհոյանի և Բուլղարիայի մշակույթի նախարար Պետըր Ստոյանովիչի հետ: Դեսպան Արսեն Սհոյանը նորանշանակ նախարարին փոխանցեց ՀՀ Մշակույթի նախարար տիկին Հասմիկ Պողոսյանի շնորհավորական ուղերձը:
Կողմերը երկուստեք նշեցին, որ մշակույթի ոլորտում փոխգործակցության զարգացումը կնպաստի մշակութային հարուստ ժառանգություն ունեցող երկու բարեկամ ժողովուրդների միջև կապերի ամրապնդմանը, փոխըմբռնման խորացմանը:
Քննարկելով մշակույթի ոլորտում երկկողմ համագործակցությունը և անդրադառնալով մեծանուն կոմպոզիտոր Արամ Խաչատրյանի ծննդյան 110- ամյա հոբելյանին, դեսպան Արսեն Սհոյանը առաջարկեց Բուլղարիայում ևս կազմակերպել համատեղ համերգ` նախարար Պետըր Ստոյանովիչի հովանո ներքո: Արծարծելով Հայոց ցեղասպանության 100-ամյա տարելիցին նվիրված միջոցառումները` դեսպան Սհոյանը մասնավորապես անդրադարձավ բուլղարական արխիվներում Հայոց Ցեղասպանությանը վերաբերող նյութերի թվայնացման հնարավորությանը` ակնկալելով բուլղարական կողմի աջակցությունը այդ հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր