ՀՀ դեսպան Արսեն Սհոյանի հանդիպումը Բուլղարիայի կրթության և գիտության նախարար Անելիա Քլիսարովայի հետ

01 օգոստոսի, 2013

Օգոստոսի 1-ին Բուլղարիայում ՀՀ դեսպան Արսեն Սհոյանը հանդիպում ունեցավ ԲՀ Կրթության և գիտության նորանշանակ նախարար տիկին Անելիա Քլիսարովայի հետ:
Շնորհավորելով նորանշանակ նախարարին` դեսպանն անդրադարձավ հայ-բուլղարական համագործակցությանը կրթության և գիտության ոլորտում նշելով, որ անցած տարիներին կրթության բնագավառում ստորագրված համագործակցության ծրագրի շրջանակներում երկու երկրների միջև տեղի է ունեցել արդյունավետ համագործակցություն: Դեսպան Սհոյանը ներկայացրեց ՀՀ նախարար Արմեն Աշոտյանի նամակ-հրավերը` ուղղված տիկին Քլիսարովային Եվրոպայի Խորհրդի նախարարների կոմիտեում Հայաստանի նախագահության շրջանակներում 2013թ. հոկտեմբերի 17-18-ը Երևանում կայանալիք կրթության նախարարների տարածաշրջանային խորհրդաժողովին մասնակցելու նպատակով, որին նախարարը հայտնեց իր նախնական համաձայնությունը:
Այնուհետև քննարկվեցին ՀՀ նախարար Արմեն Աշոտյանի այցի հնարավորությունը Բուլղարիա և երկու երկրների միջև կրթության և գիտության ոլորտում 2013-2017թթ. համագործակցության ծրագրի ստորագրումը, որի շրջանակներում հնարավոր կլինի Հայաստանից հայ ուսուցիչների գործուղումը Բուլղարիայում հայոց լեզվի ուսուցման մակարդակի բարելավման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր