ՀՀ դեսպան Արսեն Սհոյանի հանդիպումը Բուլղարիայի տրանսպորտի, տեղեկատվական տեխնոլոգիաների և կապի նախարար Դանաիլ Պապազովի հետ

05 օգոստոսի, 2013

ՀՀ դեսպան Արսեն Սհոյանը Բուլղարիայի նորընտիր կառավարության անդամների հետ հանդիպումների շարքում օգոստոսի 5-ին հանդիպեց Բուլղարիայի տրասպորտի, տեղեկատվական տեխնոլոգիաների և կապի նախարար Դանաիլ Պապազովի հետ: Շնորհավորելով նախարար Պապազովին` դեսպան Սհոյանը հույս հայտնեց, որ նա իր այս կարևոր պաշտոնում կնպաստի հայ-բուլղարական կապերի զարգացմանը և խորացմանը:
Այնուհետև դեսպան Սհոյանը ներկայացրեց ՀՀ էկոնոմիկայի նախարար Վահրամ Ավանեսյանի նամակ-հրավերը` ՍԾՏՀ-ում ՀՀ նախագահության շրջանակներում տեղի ունենալիք ՍԾՏՀ տեղեկատվական և հաղորդակցության տեխնոլոգիաների ոլորտի բարձր /նախարարական/ մակարդակի հանդիպմանը հոկտեմբեր ամսին, ինչին նախարարը հայտնեց իր նախնական համաձայնությունը:
Կարևորելով երկկողմ հարաբերությունների զարգացման ու ընդլայնման անհրաժեշտությունը` զրուցակիցները անդրադարձան հայ-բուլղարական միջկառավարական հանձնաժողովի 7-րդ նիստի անցկացման հնարավորությանը 2013թ. երկրորդ կեսին:
Համագործակցության հնարավոր ուղղությունների առումով, ուշադրության առնվեց Երևան-Սոֆիա ուղիղ ավիաչվերթի կազմակերպման հնարավորությունները, ինչպես նաև տրանսպորտային ենթակառուցվածքների ընդլայնման հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր