Հանդիպում Սոֆիայի քաղաքապետի հետ

06 օգոստոսի, 2013

Օգոստոսի 5-ին Բուլղարիայում ՀՀ դեսպան Արսեն Սհոյանը հանդիպեց Սոֆիայի քաղաքապետ Յորդանկա Ֆանդըկովայի հետ:
ՀՀ դեսպան Արսեն Սհոյանը տիկին Ֆանդըկովային փոխանցեց Երևանի քաղաքապետ Տարոն Մարգարյանի և ԵԽ տեղական և շրջանային իշխանությունների կոնգրեսի նախագահ Հերվիգ վան Շտաայի նամակը հրավիրելով Երևանի քաղաքապետարանի կողմից կազմակերպվող համաժողովին ԵԽ անդամ պետությունների քաղաքապետերի մասնակցությամբ, որն անցկացվում է Եվրոպայի Խորհրդի նախարարների կոմիտեում ՀՀ նախագահության շրջանակներում:

Արսեն Սհոյանը ընդգծեց, որ համաժողովի ձևաչափը նաև լավ հնարավորություն է ԵԽ անդամ պետությունների մայրաքաղաքների քաղաքապետերի հետ հանդիպման և անմիջական շփման համար` ավելացնելով, որ Երևանը և Սոֆիան հանդիսանում են քույր քաղաքներ, ուստի այս միջոցառումը կխթանի երկու քաղաքների միջև փոխհարաբերությունների խորացումը:
Դեսպանը տեղեկացրեց, որ այդ ժամանակաշրջանը հատկապես տոնական է Երևանում քանի, որ նշվում է մայրաքաղաքի հիմնադրման 2795-ամյակը: Տիկին ֆանդըկովան հաստատեց իր պատրաստակամությունը, որ բուլղարական կողմը իր ներկայությունը կապահովի կայանալիք միջոցառմանը:

Երկուստեք կարևորվեց Բուլղարիայում հայ համայնքի դերը, որը իր բազմաթիվ նախաձեռնություններում մշտապես վայելում է քաղաքապետարանի օժանդակությունը և աջակցությունը :

Դեսպան Արսեն Սհոյանը քաղաքապետի հետ քննարկեց Հայոց Ցեղասպանության 100-ամյա տարելիցի միջոցառումների շրջանակներում Սոֆիա քաղաքի կենտրոնում գտնվող Ալեքսանդր Նեվսկու տաճարի շրջակայքում 1922թ. Բուլղարիայի իշխանությունների մարդասիրական քայլի շնորհիվ Ցեղասպանությունից փրկված տասնյակ հազարավոր հայերի երախտագիտությունն արտահայտող հուշաքար տեղեդրելու հնարավորությունը :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր