Գիտաժողով «Բուլղարները, հայերը և Եվրոպան»

30 նոյեմբերի, 2013

Նոյեմբերի 30-ին Սոֆիայի Եվրոպական հանձնաժողովի շենքի դահլիճում տեղի ունեցավ «Բուլղարները, հայերը և Եվրոպան» թեմայով գիտաժողով, որը նախաձեռնել էր Բուլղարիայի «Հայ Դատ» հանձնախումբը:
Գիտաժողովը նվիրված էր պորուչիկ Արտակ Թորգոմի կողմից ֆրանսիացի թուրքամոլ Պիեր Լոտիին՝ ի պաշտպանություն բուլղար զինվորի և Բուլղարիայի, հայտարարած մենամարտի 100-ամյակին, որը տեղի է ունեցել 1913 թվականի նոյեմբերի 9-ին Փարիզի արվարձաններից մեկում:
Զինված ուժերի գերագույն հրամանատարի ռազմական անվտանգության հարցերով խորհրդական կոմոդոր Գեորգի Ֆիդանովը ընթերցեց Բուլղարիայի Հանրապետության Նախագահ Ռոսեն Պլևնելիևի ուղերձը՝ ուղղված գիտաժողովի մասնակիցներին: Ներկայացվեցին նաև Եվրախորհրդարանի պատգամավոր, ԵԽ Արտաքին գործերի հանձնաժողովի փոխնախագահ, Անվտանգության և պաշտպանության ենթահանձնաժողովի անդամ Անդրեյ Կովաչևի և Բուլղարիայում ռազմական պատմության հանձնաժողովի նախագահ, պրոֆ. Դիմիտըր Մինչևի ուղերձները: Գիտաժողովին ողջույնի խոսքով հանդես եկավ Բուլղարիայում ՀՀ դեսպան Արսեն Սհոյանը, որը կարևորեց Հայոց Ցեղասպանության 100-ամյակի շրջանակներում կազմակերպված միջոցառման նշանակությունը Բուլղարիայում: Զեկույցներ ներկայացրեցին հայ և բուլղար գիտնականներ, մտավորականներ, հասարակական գործիչներ, լրագրողներ: Գիտաժողովի ավարտին նախորդեցին մեկնաբանություններ և քննարկումներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր