“Բուլղարիա-Հայաստան” բարեկամության ընկերակցությունը ներկայացրեց 2014թ. իր գործունեության ծրագիրը

23 հունվարի, 2014

Ս.թ. հունվարի 23-ին ՀՀ դեսպանությունում տեղի ունեցավ հանդիպում ՀՀ դեսպան Արսեն Սհոյանի և “Բուլղարիա-Հայաստան” բարեկամության ընկերակցության նախագահ Վասիլ Բոյաջիևի միջև: Քննարկվեց 2014թ. ընկերության աշխատանքներին վերաբերող հարցերի շրջանակը:

Վասիլ Բոյաջիևը տեղեկացրեց պաշտոնապես ճանաչողական այցով Հայաստան մեկնելու իր մտադրության մասին` խնդրելով ՀՀ դեսպանության աջակցությունը: ՀՀ դեսպան Արսեն Սհոյանը ողջունեց նախաձեռնությունը, նշելով, որ այն կնպաստի կազմակերպության աշխատանքների առավել արդյունավետ կազմակերպմանը:

“Բուլղարիա-Հայաստան” բարեկամության ընկերակցությունը հիմնադրվել է 2013 թվականի սեպտեմբերի 26-ին: Ընկերակցությանը անդամակցում են ԲՀ խորհրդարանի պատգամավորներ, “Բուլղարիա-Հայաստան” խորհրդարանական բարեկամական խմբի նախագահը, Հայաստանում Բուլղարիայի նախկին դեսպանները, պետական մարմինների և հասարակական կազմակերպությունների ներկայացուցիչներ, հայ և բուլղար մտավորականներ և արվեստի գործիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր