Հանդիպում ՀՀ դեսպանատանը “Մայրենի լեզվի” համաշխարհային օրվա առթիվ

20 փետրվարի, 2014

Փետրվարի 20-ին ՀՀ դեսպան Արսեն Սհոյանը ընդունեց Սոֆիայի “Վիլիամ Սարոյան” դպրոցի տնօրեն տիկին Էմիլիա Ստեֆանովային, որը ներկայացրեց դպրոցի ներկայիս վիճակը և հեռանկարները: Քննարկվեց հայոց լեզվի ուսուցումը խորացնելու հնարավորությունը:
ՀՀ դեսպանը պատրաստակամություն հայտնեց աջակցել Սոֆիայի “Վիլիամ Սարոյան” անվան դպրոցի և ՀՀ սփյուռքի նախարարության միջև համագործակցության ամուր կապեր հաստատելու ուղղությամբ:

Սոֆիայում հայոց լեզու դասավանդվող միակ դպրոցը Հայոց ազգային տան հարևանությամբ գտնվող 76-րդ դպրոցն է, որտեղ ուսուցումը տարվում է 1-8-րդ դասարաններում: Այն սկսել է գործել 1958 թվականին, իսկ 1961 թվականից սկսած այնտեղ դասավանդվել է հայերեն՝ իբրև ֆակուլտատիվ ուսուցանվող առարկա: 1995 թվականից սկսած դպրոցը կրում է Վիլյամ Սարոյանի անունը և ներկայումս հայոց լեզու է դասավանդվում շաբաթական 4 ժամ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր