ՀՀ դեսպան Արսեն Սհոյանը հանդիպեց Բուլղարիայի Ժողովրդական Ժողովի նախագահ Միխաիլ Միկովի հետ

11 ապրիլի, 2014

Ապրիլի 10-ին ՀՀ դեսպան Արսեն Սհոյանը հանդիպում ունեցավ Բուլղարիայի Ժողովրդական ժողովի նախագահ Միխաիլ Միկովի հետ:
ՀՀ դեսպանը ներկայացրեց Հայաստանի արտաքին քաղաքականության հիմնական առաջնայնությունները, ինչպես նաև երկկողմ տնտեսական զարգացման հնարավորությունները:

Երկուստեք կարևորվեց միջխորհրդարանական կապերի զարգացումը և բարձրաստիճան այցերի իրականացման ահրաժեշտությունը, ինչպես նաև տնտեսական կապերի զարգացումն ու փոխգործակցությունը միջազգային կառույցներում:

Զրուցակիցները խոսեցին հայ համայնքի մասին նշելով, որ նրանք հիմնականում 99 տարի առաջ Բուլղարիայում ապաստան գտած Ցեղասպանությունից փրկվածների ժառանգներն են, որոնց համար Բուլղարիան դարձել է երկրորդ Հայրենիք:

Նույն օրը Բուլղարիայի Խորհրդարանում տեղի ունեցավ հանդիպում ՀՀ դեսպան Արսեն Սհոյանի և Բուլղարիա-Հայաստան բարեկամության խնբի անդամների միջև:
Խմբում ներգրավված են 12 պատգամավորներ`որոնք ներկայացնում են Բուլղարիայի Խորհրդարանի բոլոր չորս խորհրդարանական խմբակցությունները:

“Բուլղարիա-Հայաստան” խորհրդարանական բարեկամական խմբի նախագահ Ատանաս Զաֆիռովը խմբի անունից իր մտահոգությունը հայտնեց հայաբնակ Քեսաբում տեղի ունեցածին` վստահեցնելով, որ իրենք ուշադրությամբ հետևում են իրադարձություններին:

Քննարկվեցին երկկողմ հետաքրքրություն ներկայացնող հարցեր:Կարևորվեց շփումների և փոխայցելությունների ակտիվացումը, ինչպես նաև տնտեսական կապերի աշխուժացմանը նպաստող քայլերի ձեռնարկումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր