Սոֆիայում ՀՀ դեսպանը հանձնեց ՀՀ սփյուռքի նախարարության մեդալներ

14 ապրիլի, 2014

Սոֆիայում ՀՀ դեսպանը հանձնեց ՀՀ սփյուռքի նախարարության մեդալներ

Սոֆիայում ՀՀ դեսպանությունում ապրիլի 11-ին կայացավ ՀՀ սփյուռքի նախարարության կողմից տրված պարգևների հանձնման արարողություն:
ՀՀ դեսպան Արսեն Սհոյանը հանձնեց ՀՀ սփյուռքի նախարարության ոսկե մեդալներ Բուլղարիայի Հանրապետության ժուռնալիստների միության նախագահ Սնեժանա Տոդորովային, Պլովդիվ քաղաքի համայնքային խորհրդի անդամ Սպաս Գռնևսկուն և կրոնական համայնքների ազգային խորհրդի նախագահ պրոֆեսոր Ռուբեն Գրիգորյանին:

<<Հակոբ Մեղապարտ>> մեդալներ հանձնվեցին պրոֆեսոր Հակոբ Կարապետյանին և <<Հայ Դատ>> հանձնախմբի համանախագահ, “Երևան” թերթի գլխավոր խմբագիր Վարդանուշ Թոփաքբաշյանին:

“Վիլյամ Սարոյան” մեդալը հանձնվեց <<ՀԲԸՄ>> Սոֆիայի մասնաճյուղի ատենապետ Սոնյա Ավագյանին:

<<Արշիլ Գորկի>> մեդալը հանձնվեց Սոֆիայի <<Սուրբ Մարիամ Աստվածածին>> եկեղեցու նախագծի հեղինակ, գլխավոր ճարտարապետ Հակոբ Քարաքաշյանին:
ՀՀ դեսպանը շնորհավորեց պարգևատրվածներին և շնորհակալություն հայտնեց նրանց Հայաստանի հեղինակության բարձրացմանն ու ճանաչմանը նպաստելու, հայապահպանման գործում ունեցած ավանդի, հայ մշակույթի տարածմանը նպաստող գործունեության, Սփյուռքի միջհամայնքային կապերի ամրապնդման գործում ներդրում ունենալու և դեսպանության հետ համագործակցության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր