Հայոց ցեղասպանության 99-րդ տարելիցին նվիրված միջոցառում Բուլղարիայում

24 ապրիլի, 2014

Հայոց Ցեղասպանության 99-րդ տարելիցի կապակցությամբ ապրիլի 24-ին, Բուլղարիայում ՀՀ դեսպան Արսեն Սհոյանը, Հայ Առաքելական եկեղեցու առաջնորդական տեղապահ Տեր Աբգար Հովակիմյանը,Բուլղարիայի նախկին վարչապետ Ռենետա Ինջովան, ՀԸԲՄ ատենապետ Սոնյա Ավագյանը, դեսպանության անձնակազմը, բուլղարահայ համայնքի ներկայացուցիչներ ծաղկեպսակներ դրեցին Սոֆիայի հայկական գերեզմանատան Հայոց Ցեղասպանության զոհերի հիշատակին նվիրված հուշարձանին: Բուլղարիայի Հայ Առաքելական եկեղեցու տեղապահ վարդապետ Տեր Աբգար Վարդապետ Հովակիմյանի կողմից մատուցվեց հոգեհանգստյան պաշտոն:Ելույթով հանդես եկավ դեսպան Սհոյանը, որը մասնավորապես շեշտեց Հայոց ցեղասպանության միջազգային ճանաչման անհրաժեշտությունը' ապագայում մարդկության դեմ հանցանքները բացառելու նպատակով, ինչպես նաև դատապարտեց ժխտողականության, իրական փաստերը խեղաթյուրելու և նենգափոխելու քաղաքականությունը: ՀՀ դեսպանը ընդգծեց վերջերս Հայոց ցեղասպանության ճանաչման վերաբերյալ հայտարարագրի ընդունման կարևորությունը Բուլղարիայի չորս քաղաքների համայնքային խորհուրդների կողմից:
Հայոց Ցեղասպանության անմեղ զոհերի հիշատակին նվիրված բազմաբնույթ միջոցառումներ տեղի են ունեցել Սոֆիայում Բուլղարիայի բոլոր հայաշատ քաղաքներում` Վառնա, Պլովդիվ, Ռուսե, Բուրգաս. Դոբրիչ, Սլիվեն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր