Բուլղարիայում նշվեց Պլովդիվի “Վիկտորյա և Գրիգոր Թութունջյաններ “ վարժարանի 180 ամյակը

06 հոկտեմբերի, 2014

Պլովդիվ քաղաքի մարմարե “Անտիկ թատրոնում” հոկտեմբերի 4-ին տեղի ունեցավ “Վիկտորյա և Գրիգոր Թութունջյաններ“ հայկական վարժարանի հիմնադրման 180 ամյակին նվիրված հանդիսավոր երեկո-համերգ:

Հանդիսությանը ելույթի խոսքով հանդես եկավ ՀՀ արտակարգ և լիազոր դեսպան Արսեն Սհոյանը, Պլովդիվի “Սուրբ Գևորգ” եկեղեցու քահանա Տեր Հրաչ Մուրադյանը, ընթերցվեցին ՀՀ սփուռքի նախարար Հրանուշ Հակոբյանի,ՀՀ մշակույթի նախարար Հասմիկ Պողոսյանի շնորհավորական ուղերձները: Տոնական երեկոյին, որը վարում էր Բուլղարիայի “հայ դատ” հանձնախմբի համանախագահ Վարդանուշ Թոփակբաշյանը, ելույթ ունեցան հայտնի հայ և բուլղար մենակատարներ, պարային խմբեր, երգչախմբեր:

Միջոցառմանը ներկա էին Պլովդիվում պատվո հյուպատոս Եղիազար Ուզունյանը,Պլովդիվի համայնքային խորհրդի անդամներ, հայկական կազմակերպությունների ներկայացուցիչներ, վարժարանի նախկին և ներկայիս ուսուցչական կազմն ու սաները` տնօրեն Սիմոն Թյութելյանի գլխավորությամբ:

«Վիկտորիա եւ Գրիգոր Թութունջյաններ» վարժարանն սկսել է իր գործունեությունը Պլովդիվի «Սուրբ Գեւորգ» եկեղեցու հիմնադրումից հետո` 1834 թվականին: Սկզբում եղել է տղաների վարժարան, իսկ արդեն 1886 թվականից թույլատրվել է այնտեղ բացել նաեւ օրիորդաց «Վարվառյան» վարժարանը: 1920 թ. վարժարանը դարձել է երկսեռ, աշակերտների թիվը հասել է 1000-ի: 1944 թվականին բարերարներ Վիկտորիա եւ Գրիգոր Թութունջյանների ֆինանսավորմամբ ամբողջովին վերանորոգվել է վարժարանի շենքը, որից հետո այն վերանվանվել է ի պատիվ բարերարների:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր