Շումենում նշվեց «Սուրբ Աստվածածին» եկեղեցու 180-ամյակը

11 հոկտեմբերի, 2014

Հոկտեմբերի 11-ին նշվեց Շումենի Հայ Առաքելական «Սուրբ Աստվածածին» եկեղեցու 180 ամյակը, ինչի առթիվ Շումենի «Վասիլ Տրումև» դրամատիկական թատրոնի սրահում տեղի ունեցավ հանդիսավոր համերգ` հայկական և բուլղարական պարային, երգչախմբային համույթների և մենակատարների մասնակցությամբ, որին հաջորդեց ընդունելություն:
Միջոցառմանը ներկա էին ՀՀ դեսպան Արսեն Սհոյանը, նահանգապետ Պետկո Շարենկովը, քաղաքապետ Կրասիմիր Կոստովը, հայկական կազմակերպությունների ղեկավարներ, լրագրողներ:
Հոկտեմբերի 12-ին Շումենի «Սուրբ Աստվածածին» եկեղեցում պատարագ մատուցեց հոգևոր հովիվ Տեր Հրաչ քահանա Մուրադյանը, որից հետո Շումենի պատվավոր քաղաքացի բարերար Գևորգ Քեսոյանը եկեղեցուն նվիրաբերեց Սուրբ Աստվածածնի սրբապատկերը:
Շումենի Հայ Առաքելական «Սուրբ Աստվածածին» եկեղեցին կառուցվել է 1834 թ. հայ գաղթականների կողմից: 2001թ. եկեղեցին վերանորոգվել է, կառուցվել է նոր զանգակատուն: Եկեղեցու բակում մինչև օրս պահապնվում են 18-րդ և 19-րդ դարի հայկական համայնքի առաջնորդների և բարերարների քանդակապատկերներով զարդարված մարմարե տապանաքարերը: Եկեղեցու հարևանությամբ գտնվում է 1915թ. Հայոց Ցեղասպանության անմեղ զոհերի հիշատակին նվիրված հուշաքարը և Շումենի հայ համայնքի մշակութային կենտրոնը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր