Պեյո Յավորովի մահվան 100 ամյակի հիշատակի երեկո Սոֆիայում

12 հոկտեմբերի, 2014

Հոկտեմբերի 12-ին Սոֆիայի երաժշտական ակադեմիայի Պանչո Վլադիգեռով համերգասրահում ՀՀ դեսպան Արսեն Սհոյանի հովանո ներքո` տեղի ունեցավ անվանի բուլղար բանաստեղծ Պեյո Յավորովի մահվան 100 ամյակին նվիրված հիշատակի երեկո` Հայ Բարեգործական Ընդհանուր Միության (ՀԲԸՄ) Սոֆիայի մասնաճյուղի կամերային նվագախմբի մասնակցությամբ` խմբավար Պետրոս Փափազյանի գլխավորությամբ: Համերգային ծրագրում հնչեցին դասական և հայկական ժողովրդական ստեղծագործություններ: Յավորովի հայտնի «Հայեր» բանաստեղծությունն ընթերցեց լիբանանահայ գրականագետ Հակոբ Դունիայանը:
Մեծ բանաստեղծի մահվան 100 ամյակի հիշատակի կապակցությամբ միջոցառմանն իր ուղերձն էր հղել ՀՀ սփյուռքի նախարար Հրանուշ Հակոբյանը:
Հիշատակի երեկոյին ներկա էին Բուլղարիայում հավատարմագրված դեսպաններ, ՀՀ դեսպանության անձնակազմը, հայ համայնքի ներկայացուցիչներ, բուլղար մտավորականներ, լրագրողներ:
Պեյո Յավորովը համարվում է 19-րդ դարի վերջի Բուլղարիայի լավագույն բանաստեղծական տաղանդներից մեկը: Նա իր կարճատև կյանքի ընթացքում ոչ միայն աչքի ընկավ բանաստեղծական տաղանդով, այլ նաև մարդասիրությամբ ու արդարությամբ:Թուրքիայի կողմից 1890-ական թվականներին կազմակերպած հայկական կոտորածների անմիջական տպավորությամբ գրել է «Հայեր» նշանավոր բանաստեղծությունը, որտեղ ամենաջերմ, բարի զգացմունքներով է արտահայտվում հայ ժողովրդի մասին: Երևանում գործում է հ. 131 դպրոցը Պեյո Յավորովի անունով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր