ՀՀ դեսպանությունը մասնակցեց “Աշխարհը գալիս է քեզ մոտ “ բարեգործական տարեկան տոնավաճառին

08 դեկտեմբերի, 2014

Դեկտեմբերի 7-ին Սոֆիայի Inter Expo Centre ցուցասրահում տեղի ունեցավ “Կանանց միջազգային ակումբի “ կողմից կազմակերպված «Աշխարհը գալիս է քեզ մոտ» խորագրով բարեգործական տարեկան տոնավաճառ, Բուլղարիայի նախագահ Ռոսեն Պլևնելիևի հովանո ներքո: 20-ամյա հոբելյանական միջոցառման պաշտոնական բացումը կատարեց փոխվարչապետ Մեգլենա Կունևան:
Տոնավաճառին ՀՀ դեսպանությունը ներկայացավ ազգային տաղավարով:
Հայկական տաղավարում ներկայացված էին ավանդական կերակրատեսակներ, հայկական արտադրանքի տեսականիներ, Երևանի «Արարատ» գործարանի կոնյակներ, «Արմենիա Վայն գինիներ, «Գրանդ Քենդի անուշեղեներ, Ջերմուկ հանքային ջուր, ինչպես նաև Բուլղարիայում մեր հայրենակիցների կողմից արտադրվող «Ագի, «Օվի Սարի, «Կանելա» ընկերությունների քաղցրավենիքները: Տոնավաճառին մասնակցում էին 50 երկրների դիվանագիտական առաքելություններ և կազմակերպություններ, իսկ միջոցառման ամբողջ հասույթը տրամադրվեց մանկական բարեգործական հիմնադրամին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր