Մշակութային միջոցառումներ Սոֆիայում

14 հուլիսի, 2015

Բուլղարիայի Մշակույթի նախարարության և ժուռնալիստների միության նախաձեռնությամբ, Սոֆիայում ՀԲԸՄ գրասենյակի աջակցությամբ և Բուլղարիայում ՀՀ դեսպանության պաշտոնական հովանավորությամբ ս.թ. հուլիսի 7-ից 14-ը Բուլղարիայի մշակույթի նախարարության ցուցասրահում բացվեց լուսանկարիչ Զավեն Սարգսյանի ցուցահանդեսը, որը մեծ հետաքրքրություն առաջացրեց Բուլղարիայի մշակութային կյանքում, իսկ ՀԲԸՄ Սոֆիայի գրասենյակում ցուցադրվեց Փարաջանովի ,,Նռան գույնը,, ֆիլմը:

Հուլիսի 14-ին Զավեն Սարգսյանը, Բուլղարիայի ժուռնալիստների միության նախագահ Սնեժանա Տոդորովան և ՀԲԸՄ Սոֆիայի գրասենյակի տնօրեն Սոնյա Ավագյան- Պետրոսյանը ՀՀ դեսպանության հյուրերն էին: Դեսպան Արսեն Սհոյանը կարևորեց կայացած մշակութային ձեռնարկների նշանակությունը, հյուրերի խնդրանքով հանգամանալից բացատրեց հայ համայնքի առջև այսօր ծառացած խնդիրները և դրանք հաղթահարելու ուղիները, շնորհակալություն հայտնեց հյուրերին և հույս հայտնեց ապագա գործակցության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր