ՀՀ դեսպանն ընդունեց Բուլղարիայի Հայոց Թեմի առաջնորդին

26 հոկտեմբերի, 2015

Ս. թ. հոկտեմբերի 15-ին ՀՀ դեսպան Արսեն Սհոյանն ընդունեց Հայ Առաքելական Եկեղեցու Բուլղարիայի թեմի նորընտիր առաջնորդ Հայր Իսահակ Վարդապետ Պողոսյանին:

Փոխադարձ բարեմաղթանքներից հետո դեսպանը և թեմի առաջնորդը քննարկեցին համայնքային հարցեր, Հայաստանի Հանրապետության համահայկական ծրագրերում բուլղարահայ համայնքի ակտիվ մասնակցության, հայապահպանության, հայոց լեզվի պահպանման, հայ մշակույթի տարածման հարցերը և այդ ուղղությամբ դեսպանության և առաջնորդարանի աշխատանքների շարունակման կարևորությունը:

Անդրադարձ եղավ նաև բուլղարահայ համայնքում առկա մի շարք հարցերին, մասնավորապես Սոֆիայում կառուցված առաջնորդանիստ տաճարի ներքին հարդարման ավարտին և օծմանը, որը մեծապես կնպաստի հայ համայնքի համախմբմանը և եկեղեցական կյանքի աշխուժացմանը:

Հանդիպման ավարտին դեսպանը կրկին շնորհավորեց առաջնորդին և հաջողություններ մաղթեց նրան` դժվարին և պատվավոր առաքելությունում:

Մեկնումից առաջ Հայր Իսահակ Վարդապետ Պողոսյանը ՀՀ դեսպան Արսեն Սհոյանին հրավիրեց ս.թ. հոկտեմբերի 18-ին Սոֆիայի սրբ.Աստվածածին եկեղեցում իր կողմից մատուցվող անդրանիկ պատարագին և գահակալության արարողությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր