Հայ-բուլղարական տնտեսական և գիտատեխնիկական համագործակցության միջկառավարական հանձնաժողովի 7-րդ նիստ Սոֆիայում

17 դեկտեմբերի, 2015

Ս.թ. դեկտեմբերի 14-ից 15-ը Սոֆիայում կայացավ հայ-բուլղարական տնտեսական և գիտատեխնիկական համագործակցության միջկառավարական հանձնաժողովի 7-րդ նիստը:

Հայկական պատվիրակությունը, որի կազմում ընդգրկված են ՀՀ Կառավարության և գերատեսչությունների ներկայացուցիչներ, հանձնաժողովի հայկական կողմի համանախագահ, ՀՀ տրանսպորտի նախարար Գագիկ Բեգլարյանի գլխավորությամբ Սոֆիա ժամանեց դեկտեմբերի 14-ի առավոտյան:

Օդանավակայանի կառավարական բարձրաստիճան հյուրերի սրահում հայկական պատվիրակությանը դիմավորեցին ՀՀ դեսպան Արսեն Սհոյանը և Բուլղարիայի տրանսպորտի նախարարի տեղակալ Անտոն Գենևը:

Նույն օրը տեղի ունեցավ փորձագետների հանդիպումը՝ հանգամանալից քննարկելու երկու երկրների միջև տնտեսական և գիտատեխնիկական հարցերի համագործակցության միջկառավարական հանձնաժողովի նիստի արձանագրությունը:

Արձանագրությունը հանդիսավորությամբ ստորագրվեց դեկտեմբերի 15-ին, հանձնաժողովի համանախագահներ, տրանսպորտի նախարարներ Գագիկ Բեգլարյանի և Իվայլո Մասկովսկիի կողմից:

Արձանագրությունն ընդգրկում է իրավա-պայմանագրային, առևտրա-տնտեսական, տրանսպորտի, տեղեկատվական տեխնոլոգիաների ու կապի, գյուղատնտեսության, էներգետիկայի, փոքր և միջին բիզնեսի, սոցիալական զարգացման, շրջակա միջավայրի պահպանության, համայնքային կապերի զարգացման, կրթության և գիտության, մշակույթի, հումանիտար զարգացման ոլորտները:

Պատվիրակության համար տրվեց պաշտոնական ճաշ Բուլղարիայի տրանսպորտի նախարարի կողմից և կազմակերպվեց էքսկուրսիա ազգային պատմության թանգարան:

Պատվիրակությունը հանդիպեց նաև բուլղարահայ գործարարների և հայ համայնքի ներկայացուցիչների հետ:

Հայկական պատվիրակությունը Սոֆիայից մեկնեց դեկտեմբերի 16-ին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր