Դեսպան Սհոյանի հանդիպումը ԲՀ ԱԳ նախարարի տեղակալ Վալենտին Պորյազովի հետ

18 դեկտեմբերի, 2015

Ս.թ. դեկտեմբերի 18-ին ԲՀ-ում ՀՀ դեսպան Արսեն Սհոյանը հանդիպում ունեցավ ԲՀ ԱԳ նախարարի տեղակալ Վալենտին Պորյազովի հետ:

Դեսպանն իր գոհունակությունը հայտնեց դեկտեմբերի 14-ից 15-ը Սոֆիայում կայացած հայ-բուլղարական տնտեսական և գիտատեխնիկական համագործակցության միջկառավարական հանձնաժողովի 7-րդ նիստի առիթով՝ հույս հայտնելով որ ստորագրված արձանագրությունը հնարավորություն կտա առավել ակտիվացնել հայ-բուլղարական տնտեսական հարաբերությունները:

Հանդիպմանը քննարկվեցին ինչպես երկկողմ, մասնավորապես՝ բարձրաստիճան փոխադարձ այցերին, այնպես էլ միջազգային կազմակերպություններում փոխշահավետ համագործակցությանն առնչվող հարցեր:

Փոխնախարար Վալենտին Պորյազովը հայտարարեց, որ Բուլղարիան հավատարիմ է մնում իր դիրքորոշմանը, որ Լեռնային Ղարաբաղի հարցը պետք է լուծվի խաղաղ ճանապարհով՝ Մինսկի խմբի ձևաչափով և կիսում է համանախագահների դիրքորոշումը, որ ԵԽԽՎ սոցիալական հարցերի, առողջապահության և կայուն զարգացման հանձնաժողովների աշխատանքը չպետք է ենթարկվի քաղաքական շահարկումների:

Պորյազովը նշեց նաև, որ Հայաստանը Բուլղարիայի համար եղել և մնում է որպես բարեկամ երկիր ու գործընկեր, և որ կողմերն ունեն մեծ ներուժ, որն ամբողջովին չի օգտագործվում և պետք է աշխատել այս ուղղությամբ: Փոխնախարարը նաև հավաստեց, որ, քանի որ Հայաստանը սկսել է ԵՄ-ի հետ հարաբերությունների նոր փուլ, Բուլղարիան որպես անդամ երկիր, ամեն ինչ կանի, որպեսզի բանակցությունները հնարավորինս հաջողությամբ ընթանան:

Հանդիպումն ավարտվեց նախատոնական շնորհավորանքներով և բարեմաղթանքներով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր