ԴԵսպան Սարգսյանն այցելեց Բեդիկ Բեդրոսյանի ցուցահանդեսը

09 օգոստոսի, 2016

Բուլղարիայում ՀՀ դեսպան Արմեն Սարգսյանն այցելել է բուլղարահայ անվանի գեղանկարիչ Բեդիկ Բեդրոսյանի ստեղծագործությունների հետահայաց “Երկիր` գետի և ծովի միջև” վերտառությամբ ցուցահանդեսը, որը բացվել է Սոֆիայի քաղաքային պատկերասրահում և գործելու է մինչև օգոստոսի 14-ը:

Ցուցադրությունը կազմակերպվել է Վառնայի “Արարատ” կազմակերպության կողմից և ներկայացնում է հեղինակի շուրջ հարյուր աշխատանք, այդ թվում հայկական բնաշխարհ ու հայկական ուրվագծեր պարունակող գործեր, որոնք հեղինակը ստեղծել է Հայաստան կատարած իր այցելության արդյունքում:

Ցուցահանդեսի պաշտոնական բացման առիթով Բուլղարիայի վարչապետ Բոյկո Բորիսովի հղած ուղերձում, մասնավորապես, ասվում է, որ “Բեդիկ Բեդրոսյանի ստեղծագործությունները Բուլղարիայի ժամանակակից արվեստի ու մշակույթի կարևորագույն մասն են կազմում”:

ԲՀ-ում ՀՀ դեսպանության հովանավորությամբ և ՀՀ սփյուռքի նախարարության աջակցությամբ “Արարատ” կազմակերպությունը 2017թ.-ի առաջին կեսին ցուցահանդեսը կներկայացնի Երևանում, որի համար արդեն նախնական պայմանավորվածություն է ձեռք բերվել Հայաստանի Ազգային պատկերասրահի տնօրինության հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր