Դեսպան Սարգսյանը մասնակցեց ՀՕՄԵՆԸԹՄԵՆԻ Բուլղարիայի մասնաճյուղի ամենամյա բանակումին

09 օգոստոսի, 2016

Ս.թ. օգոստոսի 6-ին Բուլղարիայում Հայաստանի Հանրապետության դեսպան Արմեն Սարգսյանը մասնակցեց ՀՕՄԵՆԸԹՄԵՆ կազմակերպության Բուլղարիայի մասնաճյուղի ամենամյա բանակումի հանդիսավոր փակման արարողությանը:

Բանակումին, որն անցնում էր լեռներով շրջապատված “Դիվիտե Պետլի” կոչվող հանգստավայրում, մասնակցում էր 161 սկաուտ Բուլղարիայի տարբեր քաղաքներից:

Առանձնազրույց ունենալով խմբապետերի և ատենապետերի հետ` դեսպան Սարգսյանը կարևորեց նրանց աշխատանքը երիտասարդ սերնդի հայեցի դաստիարակության և նրանց մեջ հայկական ոգին մշտարթուն պահելու հարցում:

Կազմակերպության Բուլղարիայի ատենապետ Տիրուհի Պարտիզպանյանը դեսպանին ներկայացրեց կառույցի աշխատանքը, նշելով, որ ս.թ. մարտ ամսին պաշտոնապես նշվել է ՀՕՄԵՆԸԹՄԵՆԻ բուլղարական մասնաճյուղի վերաբացման 25-րդ տարեդարձը:

Դեսպանն իր աջակցությունն ու հովանավորությունը հայտնեց կազմակերպության ծրագրերին և ՀՕՄԵՆԸԹՄԵՆԻ Բուլղարիայի կազմակերպության գործունենությանը` առաջարկելով դեսպանության հետ համատեղ միջոցառումների կազմակերպման մասին:

Դեսպանը պատասխանեց ներկաներին հետաքրքրող հարցերին, անդրադարձավ նաև ՀՀ արտաքին քաղաքականության առաջնահերթություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր