“Պլովդիվ 2017” 23-րդ միջազգային ֆոլկլորային փառատոն

02 օգոստոսի, 2017

Ս.թ. օգոստոսի 1-ին Բուլղարիայի Պլովդիվ քաղաքում մեկնարկեց “Պլովդիվ 2017” 23-րդ միջազգային ֆոլկլորային փառատոնը, որին մասնակցում է Հայաստանի “Զվարթնոց վերածնունդ” հիմնադրամի երգի-պարի համույթը:
Փառատոնին մասնակցում են նաև ժողովրդական երգի և պարի համույթներ Բուլղարիայից, Բրազիլիայից, Վրաստանից, Իսպանիայից, Հորդանանից, Կոսովոյից, Չիլիից և Մոնտենեգրոյից:
Միջոցառման բացման հանդիսավոր արարողությանը մասնակցեց Բուլղարիայում ՀՀ դեսպան Արմեն Սարգսյանը: Նա հանդիպեց Հայաստանից ժամանած համույթի անդամների և ուղեկցող անձնակազմի հետ և հաջողություններ մաղթեց Բուլղարիայում շրջագայության ընթացքում, ինչպես նաև ապագա ծրագրերում:
Պլովդիվում ՀՀ պատվավոր հյուպատոսության և Պլովդիվի Հայկական մշակութային տեղեկատվական կենտրոնի աջակցությամբ “Զվարթնոց վերածնունդ” համույթն առանձին համերգներով հանդես կգա Պլովդիվի Կաբանա թաղամասում, Հիսարյա և Պեշտերա քաղաքներում, ապա ՀԲԸՄ Սոֆիայի մասնաճյուղի օժանդակությամբ նաև Բուլղարիայի մայրաքաղաք Սոֆիայում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր