Սոֆիայում նշվեց Հայաստանից Բուլղարիա «ներմուծված» բադմինթոն մարզաձևի 50-ամյակը

10 հոկտեմբերի, 2017

Սոֆիայի «Եվրոպա» սպորտային համալիրում մեծ հանդիսությամբ նշվեց Բուլղարիայում բադմինթոն մարզաձևի սկզբնավորման և բադմինթոնի ֆեդերացիայի հիմնադրման 50-ամյակը:
Հրավիրյալների թվում էին Բուլղարիայի բարձրաստիճան պաշտոնյաներ, դիվանագիտական կորպուսի ներկայացուցիչներ, այս մարզաձևում համաշխարհային ճանաչում ունեցող, այդ թվում նաև հայազգի վաստակաշատ մարզիկներ: Պատվավոր հյուրերի շարքում էր ՀՀ դեսպան Արմեն Սարգսյանը:
Ողջույնի խոսքով հանդես եկավ ԲՀ բադմինթոնի ֆեդերացիայի հիմնադիր և նախագահ, Հայաստանի բադմինթոնի ֆեդերացիայի պատվավոր նախագահ, բադմինթոնի աշխարհի առաջնությունների բազմակի մեդալակիր Բյուզանդ Կասաբյանը:
Նշենք, որ բադմինթոնը որպես մարզաձև Բուլղարիա է «ներմուծվել» 50 տարի առաջ Հայաստանից՝ բուլղարահայ Բյուզանդ Կասաբյանի նախաձեռնությամբ և ջանքերով: Ծանոթանալով Հայաստանում բանդիմթոնին՝ նա որոշել է տարածել այդ մարզաձևն իր հայրենի Բուլղարիայում: 1967 թվականին Պլովդիվ քաղաքում նա կազմակերպել է Բուլղարիայի անդրանիկ առաջնությունը և այդպիսով ստեղծվել է Բուլղարիայի բադմինթոնի ֆեդերացիան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր