Շառլ Ազնավուրը հանդիպում ունեցավ Սոֆիայի հայ համայնքի հետ

29 նոյեմբերի, 2017

Քառասունամյա ընդմիջումից հետո Սոֆիա է այցելել աշխարհահռչակ Շառլ Ազնավուրը: Ի պատիվ մեծ հայի Բուլղարիայում ՀՀ դեսպանության կողմից նոյեմբերի 29-ին կազմակերպվեց ընդունելիություն՝ Բուլղարիայում հավատարմագրված ֆրանկոֆոնիայի կազմակերպության անդամ երկրների դեսպանների, հայ համայնքային կառույցների ղեկավարների, հայտնի հասարակական և քաղաքական գործիչների, լրագրողների մասնակցությամբ:
Ողջույնի խոսքով հանդես եկան Բուլղարիայում ՀՀ դեսպան Արմեն Սարգսյանը, Ֆրանսիայի դեսպան Էրիկ Լյոբեդելը, ՙՙՅունիքրեդիթ՚՚ բանկի տնօրեն Լեվոն Համբարձումյանը: Շառլ Ազնավուրը պատասխանեց ներկաների հարցերին, դրվակներ պատմեց իր հարուստ ստեղծագործական կյանքից:
Սոֆիայում գտնվելու ընթացքում Շառլ Ազնավուրը հարցազրույցներ տվեց բուլղարական առաջատար հեռուստաընկերություններին և լրատվամիջոցներին, մասնակցեց ՙՙՍլավի շոու՚՚ հեռուստատեսային շոու-ծրագրին:
Նոյեմբերի 30-ին Սոֆիայի մարզահամերգային համալիրում տեղի կունենա Ազնավուրի մենահամերգը: Վերջին անգամ մեծանուն երգիչը այստեղ ելույթ էր ունեցել շուրջ քառասուն տարի առաջ՝ 1978 թվականի դեկտեմբերին: Բուլղար հասարակությունը և հատկապես հայ համայնքը մեծ ոգևորությամբ են սպասում այս պատմական տոնական իրադարձությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր